ზაფხულის ღამეები

დღეს ორ საათზე გავიღვიძე.თავი არ მტკიოდა,რამაც ჩემში გაოცება გამოიწვია.გუშინდელი გართობის შემდეგ მინიმუმ თავბრუხსვევას ველოდი.ნახევრადმძინარე,სამზარეულომდე მივედი.ვისაუზმე ტვიქსითა და კოკა-კოლით.ჯერ კიდევ ბურუსში მყოფი კომფორტულად მოვეწყვე დივანზე,კომპიუტერი ჩავრთე და ლოდინი დავიწყე.
ველი მოსაღამოებას და ტელეფონზე შემოსულ ზარს,რომელიც შემატყობინებს დღეს სად მივდივარ.ოთხი დღეა,სახლში დილის საათებში ვბრუნდები...ზაფხული მოვიდა!!!!

სანამ ახალგაზრდა ვარ,მინდა ახალგაზრდა ვიყო :)
მსურს შევხვდე ახალ ხალხს.ველაპარაკო და განვიხილო მათთან ერთად უამრავი სისულელე.გავიგო რა ფერი უყვართ,როგორ ყავას სვამენ,რას ფიქრობენ დიდი აფეთქების თეორიაზე,საათობით ვესაუბრო ყველაფერზე და არაფერზე.
მსურს ვიხეტიალო ქალაქის ნაცნობ თუ უცნობ ქუჩებში.ღამის საათებში დავაკვირდე თბილისს.ვიარო ბევრი,ჩემს მეგობრებან ერთად.
მინდა რომ უცნობი სახეები ნაცნობ და საყვარელ სახეებად იქცნენ.გავაკეთო მათთან ერთან ისეთი რამ,რაც 10 წლის მერეც,შემთხვევით ერთმანეთს გადაყრილებს ღიმილს მოგვგვრის.ვისუნთქო და ვიგრძნო,რა ლაღია ცხოვრება,როცა ასე ფიქრობ მასზე.
ჩავიდინო უამრავი მცირე შეცდომა:ერთი ჭიქით მეტი დავლიო ანდა ცეკვის დროს ბუნებრივი,არასტანდარტული,უხერხული მოძრაობები გავაცნო დედამიწას.
ვიცინო ბევრი,კარგ თუ ცუდ ხუმრობებზე.ვუთხრა კომპლიმენტი ყველა სულიერს და შევთავაზო მომავალ კვირას შეხვედრაც.
რადგანაც ცოცხლები მხოლოდ ერთხელ ვართ,ვიცოცხლო ისე რომ საკმარისი იყოს.

 თათას მოხიტოები ნორმალურ ადამიანებს ცოტა უფრო ნაკლებ ნორმალურებად აქცევს.თუმცა მათი ბუნებრივი შარმი არ იკარგება,"მართლა ფხიზელი ვარ" გამოხედვა და "ერთზე მეტი არ დამილევია" ღიმილი შეიძლება არ ყვირის სურათებიდან,მაგრამ მაინც შესამჩნევია.

დაბადების დღეზე დალევა და არასტანდარტული ქცევა ყველაზე გამართლებული ქმედებაა დედამიწაზე ;)

წვეულება აუზზე :დ

მთავარია პოზიტივი მაშინაც შეინარჩუნო,როდესაც შენი მეგობარი შენზე წაძინებას გადაწყვეტს.

თქვენს ცხოვრებაზე პასუხისმგებელნი თქვენთითონვე ხართ.ამიტომ თუ ისე გამოვა რომ მოსაწყენი წლები გაგიტარებიათ,დამნაშავე მხოლოდ თქვენ იქნებით.

იმოქმედეთ მანამ სანამ ტვინი კარგად გადახარშავს გიჟურ იდეას!!!დამერწმუნეთ ასე უმჯობესია ;)

ბათუმი და ოლიმპიური ცეცხლი

ზაფხული დადგა!!!!!!!!!!!!სოფელშიც არ მიშვებენ საცხოვრებლად!!!გამოცდები ჩაბარებულია,სარაფნები წინა თაროზე გადმოდებული,საყინულე გამოვსებული ნაყინებით და სიმარმაცის რეჟიმი გააქტიურებული.
როგორც იქნა მაქვს დრო გავაკეთო ის რაც გულს მოესურვება.ვუყურო "Gilmore Girls"სა და"Girls"ს სამდღიან მარათონს,მთელი დღე პიჟამოში გავატარო,დილით გვიანობამდე ვიძინო,წიგნი ვიკითხო როცა და რამდენი ხანიც მინდა,იკაკოსთან(ბიძაშვილი) ერთად კინოში ვიარო,საათობით წამოვწვე იატაკზე და ჭერს ვუცქირო.
თუმცა ეს ყველაფერი მაქსიმუმ ერთი კვირა გაგრძელდეს,მერე ისევ ცხოვრების სურვილი წამომივლის.გაჭრილი ვიქნები ქალაქში მეგობრებთნ ერთად.თან რამდენიმე საინტერესო რაღაც მაქვს დაგეგმილი...!!!
მანამდე კი მინდა ბათუმის ამბები მოვყვე.
მოხალისე ვარ :) საბერძნეთის ჩეფ ატაშე.როდესაც ოლიმპიური ცეცხლი ჩამოვიდა მე და ჩემი მეგობრები ბათუმისაკენ გავეშურეთ.(გავეშურეთ რა,ოლიმპიურმა კომიტეტმა გაგვაშურა)უნდა მიგვეღო ღონისძიებაში მონაწილეობა,კონკრეტულად კი ბათუმის აეროპორტიდან პიაცამდე ცეცხლის გადანთებაში უნდა დავხმარებოდით სხვადასხვა სპორცმენებს.ჩემი მოვალეობა ჩირაღდნის გაზის ბაონჩიკის ჩართვას წარმოადგენდა.თუმცა ეს ოფიციალური სამუშაო მხოლოდ 3 საათს მოითხოვდა.ჩვენ კი ბათუმში 3 დღე ვიყავით...რა თქმა უნდა ვერთობოდით :)

ბათუმში დიდი სიამოვნებით ვიცხოვრებდი და სერიოზულადაც ვუყურებ ამ იდეას.პირველ დღეს ქუჩებში ხეტიალისა და კაფეებში სიარულის მეტი არაფერი გვიკეთებია.გართობა სასტუმროში იყო,ღამით,გვიან...

ქალაქი სასტიკად მშვიდია საღამოთი,რასაც შეჩვეული არ ვარ.ორი საათი იყო მგონი,ერთ დაქალს ჭამა მოუნდა.მთელი ბათუმი ვიარეთ,მხოლოდ ერთი რესტორანი დაგვხვდა ღია.კარგად ვჭამეთ :დ

წამოსვლის დღე გავათენეთ.პიაცაზე კონცერტი ორზე დავტოვეთ და მაჭახელაში გადავინაცვლეთ აჭარულების საჭმელად.ვიცინეთ,გავერთეთ,ჯიბეებიც დავიცარიელეთ.ამის შემდეგ ჩემს ოთახში ამოყო თავი საზოგადოებამ.განვიხილეთ მათემატიკის გამოცდიდან დაწყებული კორეის შეიარაღებული ძალებით დამთავრებული,ყველა აქტუალური თუ არც ისე აქტუალური თემა.დავწექით ხუთზე.ხოლო ავდექით ათზე.ჩემებს კარგ იდეად მოეჩვენათ კატერით ზღვაში შესვლა.პრობლემა ის იყო რომ,ერთ საათში თბილისში ვბრუნდებოდით.რა თქმა უნდა,ჩავთვალეთ რომ ყველაფერს მოვასწრებდით და კატერის დასაქირავებლად წავედით.

...მერე იდეა მოგვაწვა,შუა ზღვაში არ გვიცურავია...შუა ზღვაში ვიყავით...რაღაც მიეწყოსავით.მოკლედ ყოვლად მოუმზადებლები,წყალში სამოსით გადავეშვით.კაი იყო :)

პ.ს ბათუმის ტროტუარებზე ბრძნული გამონათქვამებია წაწერილი

შოთას სიტყვებმა ის დრო მომაგონა,როცა მე და ნინომ კლაიპედას ნაპირზე იგივე შეგონება მოვხაზეთ ქვიშაზე

ალგეთი(ანუ თბილი საწოლი vs მშობლიური მიწა)

ხვალ გამოცდა მაქვს.წარმატებულად ჩაბარების შემთხვევაში ჩემთვის ზაფხული დადგება.ხოლო თუ დამაკმაყოფილებელ ნიშანს ვერ მივიღებ,სავარაუდოდ სოფელში გამგზავნიან საცხოვრებლად.

ახლა იმის მაგივრად მასალა გადავიმეორო,არაფრის კეთებით ვარ დაკავებული.ხოდა ვიფიქრე რამე პროდუქტიულიც რომ იყოს და არადამღლელიც,ისეთ რამეს მოვიმოქმედებთქო.კემპინგის სურათების ატვირთვა არაჩვეულებრივ გამოსავლად დამესახა.

ეს იყო მაისი,ნაზი სიო ქროდა და ოდნავ ჟინჟლავდა.მეგობრები მანგლისის მარშუტკებთან შეკრებილიყვნენ და ხელმძღვანელს ელოდნენ.ხუმრობებს ყვებონდედნ,რომელზეც მხოლოდ რამდენიმეს ეცინებოდა.ღრუბლებშორის მიმალული მზე მაინც ათბობდა არემარეს თბილი სხივებით.ზურგს ათი კილო უმძიმებდათ.თუმცა ერთმანეთით იმდენად ბედნიერნი იყვნენ,სხვას ვერაფერს ამჩნევდნენ.

რა სიდებილეს მივედმოვედები.მოკლედ,ალგეთში ვიყავით ორი დღე.

აი რამდენიმე ჭეშმარიტება,რაც აწ უკვე გამოცდილმა ადამიანმა შემიძლია გადმოგილოცოთ:

საძილე ტომარაში ძილი ისეთივე არაკომფორტულია როგორც ის როდესაც მაღაზიის კონსულტანტი არ გშორდება და გეკითხება რა თანხის ფარგლებში არჩევ საჩუქარს.ბევრი მწერია,ანაკომის სუპებს გონებასთან ერთად ნელ-ნელა კუჭიც ეჩვევა.სველი ხელსახოცები გახდება თქვენი ჯაკუზიც და პირადი ჰიგიენის შემცვლელიც.ხომ იცით საპირფარეშოში რომ ძლიერ გინდათ ხოლმე და ტვალეტის დანახვაზე რომ გიორკეცდებათ სურვილი,იგივე დაგემართებათ წყალზე.მეორე დღეს სხვებთან  ძირითადად თავდახრილს მოგიწევთ კომუნიკაცია,რადგანაც კბილის ჩოთქი და პასტა გამოუყენებელი ნივთებია წყალი თუარ გაქვთ.

მოკლედ საშინელებაა,მაგრამ თუ მოგზაური ხართ და კომფორტულობა თქვენი პრიორიტეტი სულაც არაა:წინ მეგობრებო!!!თან მოგონებები,გამოცდილებასთან ერთად სიცოცხლის ბოლომდე გაგყვებათ ;)