სიზარმაცე

ახლაც,როცა ამას ვწერ სიზარმაცის ტკვბილ მკლავებში ვარ მოქცეული.უსინდისო მე კომფორტულად გამოვწყობილვარ უფუმფულეს წინდებში(ნასკებში,უბრალოდ "ქართულად რომ ვიმეტყველოს" მაფიაა),ბებიაჩემის უთბილეს მოსასხამში(ჟაკეტში),მოვთავსებულვარ ურბილეს ტახტზე და დამიჭერია რძიანი ყავის სათლი(ვედრო,იმიტომ რომ ფინჯანს ვერანაირად ვერ უწოდებ ამხელა ჭურჭელს რომელსაც ვერც ერთი ჩემი სახაზავი ვერ სწვდება ბოლომდე).ასე ვცდილობ მოვერიდო რეალობას.დედაჩემს თუ ჰკითხავთ ჩემზე ზარმაცი არსება არ დადის დედამიწაზე,შესაბამისად ასე თუ გავაგრძელებ ჩემი კარიერის "მაკდონალდსში" აწყობის შანსები გაიზრდება.
ამ საღამოსაც ვზარმაცობდი.პოსტის დაწერის მიზნით დავალებები მივაგდე,მაგრამ ზემოთხსენებულის მაგივრად კომპიუტერში ლორდეს ლაივებს ვუყურებდი.ამ პროცესში წასწრებულს დადემემუქრნენ ან პოსტს დაწერ ან მიუბრუნდები ქართულის ესეს და მისთანებსო.რაღა თქმა უნდა აქ ვარ :))) აი კიდევ ერთი მაგალითი სიზარმაცისა.მოკლედ იდეა არ მქონდა,ინტერნეტის აქოთქოთება მეზარებოდა,ამიტომ ვიჩივლე რა ჯანდაბაა ვერაფერს ვფიქრობთქო.ხოდა იდეა მომაწოდეს სიზარმაცეზე დაწერეო.რატომაც არაა???
OFF WE GO!!!!
სიზარმაცე მეგობრებო ეს არის სურვილის უქონლობა იმ საქმისადმი(ფიზიკური სამუშაოსადმი) რომლის გაკეთების უნარიც,შესაძლებლობაც გაქვთ.მოკლედ მოგახსენებთ სიზარმაცის სინდრომებს:
1.თუ წვენისათვის ჭიქის მოტანის სურვილი გაგიქრათ და პირდაპირ მოიყუდეთ
2.თუ თქვენი 60 წლის ბებიას სთხოვთ მოგიტანოთ წყალი
3.თუ ბაბუათქვენს ნაყინზე აგზავნით
4.თუ დავალების არწერის შემთხვევაში მეგობრისგან მისი გადაწერის სურვილის ნაკლებობას განიცდით
5.თუ თქვენი უჯრები შემცირებულ ბერმუდის სამკუთხედს წარმოადგენენ და მხოლოდ იმიტომ მიგაჩნიათ მილაგება არალოგიკურ საქციელად რომ ყველფერი ისევ აირევა,ხოლო თავს იმართლებთ იმით რომ რაც გჭირდებათ იმას მაინც პოულობთ
6.თუ ლოგინში ჩაწოლილები განძრევის სურვილ დაკარგულნი ვინმეს უხმობთ ოთახში შუქის ჩასაქრობად
7.თუ შემთხვევით იატაკზე დაგდებული ნივთების აღებაზე უარს ამბობთ,გრავიტაციის ძალასთან ჭიდილის სურვილის ნაკლებობისდა გამო
8.თუ ხშირად ცდილობთ გადააბაროთ საქმეები თქვენს დას/ძმას
9.თუ შეამჩნიეთ რომ დავალებას/მითითებებს/ლექციებს კი არ იწერთ,არამედ სურათს უღებთ
10.თუ ისეთ საკვებს ყიდულობთ რომელიც თავის თავში ნაკლებ ღეჭვას გულისხმობს
11.თუ მიგაჩნიათ რომ 234631098774 სერიის ყურების შემდეგ კიდევ დაგრჩებათ დრო გააკეთოთ დავალებული საქმე
12.თუ საწოლზე მეტად ახლობელი თქვენთვის პირდაპირ იატაკია
13.თუ აბაზანაში შესვლის გადაწყვეტილებას 2 საათს ხოლო გამოსვლისას 23465657საათს ანდომებთ
14.თუ დილით ისეთი ფეხმასცმლის ჩაცმას ამჯობინებთ რომელსაც არ აქვს თასმა ან ფხრიწი
15.თუ რამდენიმე "ვოიაჟის" შესრულებას გირჩევნიათ ოთხმოცივე კარფურის პარკი ერთად შეიტანოთ სამზარეულოში
16.თუ ცდილობთ ფიქრების ძალა გამოიყენოთ დისტანციური მართვის პულტის თქვენამდე მოსაფრენად როცა ის თქვენი ჯდომის არედან 60 სანტიმეტრის რადიუსის გარეთ აღმოჩნდა
17.თუ რაიმე აქტიური ქმედებების ჩადენას თავს არიდებთ რადგან ისედაც იცით რომ ეს გამოგივათ
18.თუ გირჩევნიათ ყველა "game of thrones" წიგნი წაიკითხოთ ერთ დღეში და მხოლოდ ამის შემდეგ შეუდგეთ პროდუქტიულ საქმიანობას
19.თუ საქმის კეთებისას ხშირად ამოწმებთ თქვებს ინსტაგრამს(როცა 5 ფოლოვერი გყავთ),ფეისბუქს(როცა ფეივორიტებში მარტო შენი 12 კლასელი გყავს,თუმცა ყველა გასულია),თვითერს(მაშინაც კი როდესაც არც ერთი ფოლოვერი არ გაგაჩნიათ)
20.თუ ყველაფერი რაც თქვენი ლოგინის ქვეშ შევარდა,თქვენთვის სამუდამოდ დაკარგულად ითვლება
21.თუ მხოლოდ იმ შემთხვევაში გაიქცევით თუ თქვენი სიცოცხლე საშიშროების ქვეშ აღმოჩნდება და მხოლოდ ამ უკიდურეს ქმედებას შეეძლება სიცოცხლის წამები გიყიდოთ
22.თუ იმას რასაც ეძებთ გუგლის პირველ გვერდზე ვერ გადააწყდით მიგაჩნიათ რომ ეს არც არსებობდა
23.თუ მაცივრის გამოღებისას,ერთი თვალის შევლებით ვერ პოულობთ სასურველ საჭმელს,მიიჩნევთ რომ ის თქვენმა ოჯახის წევრმა შეჭამა და ტეხთ სკანდალს იმისათვის რომ იმწამსვე ჩავიდნენ მაღაზიაში და მოგიტანონ ახალი

აქ მოვრჩები,რადგან დედაჩემს მიაჩნია რომ თუ ამას ფართო საზოგადოება წაიკითხავს გათხოვების ყველა შანსი მომესპობა :(((